В темну нічку в убочы
Сова гукат по ночы,
Димлять горы, люде сплять.
Лем Ганічка з Ванічком
Позерают сой в очы,
Позерают сой в очы, лем.

Зашов місяц за хмару
І не видів юж пару,
Што робили вони там.
Там Ганічка з Ванічком
Позерали на хмару,
Позерали на хмару, лем.

Чом ты, хмаро, заздростиш
Того щастя любости,
Най тя вітры роздуют ген.
Най Ганічка з Ванічком,
Поки хтят ся любуют,
Поки хтят ся любуют, лем.

В темну нічку в убочы
Сова гукат по ночы,
Дуют вітры горами, ген.
Лем потокы, фаліі
Споминают за ними,
Споминают за ними, лем.