Мам я красну заградочку,
Ухаха,
Мам я красну заградочку,
Парада, парада,
А в ній росте фіялочка,
Чір, чір, чірада.

Фіялочка дрібно сходит,
Ухаха,
Фіялочка дрібно сходит,
Парада, парада,
Моя мила смутні ходит,
Чір, чір, чірада.

Моя мила лежыт хора,
Ухаха,
Моя мила лежыт хора,
Парада, парада,
Треба піти по дохтора,
Чір, чір, чірада.

По дохтора и по бабу,
Ухаха,
По дохтора и по бабу,
Парада, парада,
Жебы дала даку раду,
Чір, чір, чірада.

Баба пришла, раду дала,
Ухаха,
Баба пришла, раду дала:
Парада, парада,
Будеш мила колысала,
Чір, чір, чірада.

Бабо, бабо, ид мі з очы,
Ухаха,
Бабо, бабо, ид мі з очы,
Парада, парада,
Я не спала з милым гночы,
Чір, чір, чірада.

Ани гводне, ани гночы,
Ухаха,
Ани гводне, ани гночы,
Парада, парада,
Лем кусьціцька попівночы,
Чір, чір, чірада.