Ей, прид до нас, шугаю,
Прид до нас хоц коли.
Ей, не такам я дурна,
Яком була влоны.
Ей, бо я влоны
Та й розуму не мала,
Ей, як ти до нас пришов,
Я з хыжы втікала.

Ей, кєд ти ня любуєш
Полюбуй ня нараз.
Ей, най я своє личко
Неутерам два раз.
А він ся злостив,
Ей тот мій паробочок,
Ей, же я з ним не пішла
На бік от дівочок.

Ей, лишив мене фраїр,
Лишив ня та й лишив.
Ей, жебися із другов
Нігда не потішив.
Бодай тя милий,
Ей, каричка вхопила,
Ей, же тобі ся інша
Дівка полюбила.

Ей, гамбочков співаю,
Очка ся мі сьміют,
Ей, а з мого серденька
Сизоньки ся ліют.
Не бійся інша,
Ей, за фраїра мого,
Ей, бо я ся бояла,
Не пішлам за нього.