Ганцьо, не дримай,
Дверка отверай,
Пуст ня на заградку!

Розмария і лелия (2)
На біло преквитала,
Наша Ганичка
Лем за Яничка
Бы ся выдавала!

Ой, в лісі, в лісі,
В лісі на дубі
Зозуля кукала.

Так мі повідала (2)
Моєй фраїркы мац.
Же она мі не даст,
Же она мі не даст
Ганцю за жену взяц.

Як она ня не хце (2)
За зяця узнавац,
Буду я єй Ганцю,
Буду я єй Ганцю
З корчмичкы выганяц.

Як-єм ся сповідав, (2)
Так мі ксьондз повідав:
Як немаш фраїркы,
Як немаш фраїркы,
Жебы-с си поглядав.