В темну нічку в убочы
Сова гукат по ночы,
Дримлют горы, люде спят.
Лем Ганічка з Ванічком
Позерают сой в очы,
Позерают сой в очы, лем.

Притуль же ня, Ванічку!
Дай мі гамці, Ганічко!
Ту не видит нихто нас.
Лем місячок на небі,
Притульме ся ку собі,
Притульме ся ку собі, лем.

Зашов місяц за хмару
І не видів юж пару,
Што робили они там.
Там Ганічка з Ванічком
Позерали на хмару,
Позерали на хмару, лем.

Чом ты, хмаро, заздростиш
Того щастя в любости,
Най тя вітры роздуют ген.
Най Ганічка з Ванічком,
Покля хтят ся любуют,
Покля хтят ся любуют, лем.

В темну нічку в убочы
Сова гукат по ночы,
Дуют вітры горами, ген.
Лем потокы, париі
Споминают за ними,
Споминают за ними, лем.