В нашым саді яблонечка,
На червено проквитає.

На червено проквитає
І червены яблка має.

А хто ж мі іх буде зрывав,
Кой ся мій милый погнівав?

Погнівав ся, не знам про што,
Ходив до нас, не знам по што.

Ходив до нас ціле літо,
Хотів од ня ґамбы за то.

Ходив до нас цілу осін,
Хотів гвойти двермі досін.

Ходив до нас цілу зиму,
Хотів влізти під перыну.

Ходив до нас цілу весну,
Пущала-м го під черешню.

А то вишня, не черешня,
А я дівка, не невесьця.