А там долов при Дунаю
текст
ноти
Пиют хлопці вино
В велькім жалю.
Єдни пиют, єдни пиют, наливают,
Други собі дівча
Намовляют.
Ніж си дівча, ніж си дівча намовили,
Других триста злотих
Промарніли.
А там долов, а там долов при Дунаю
Пиє хлопец вино
В велькім жалю.
Пиє, пиє, пиє, пиє в велькім жалю,
Же ма фраїречку
В чужім краю.
– Хто єй видів, хто єй видів, най мі повіст,
Най мене серденько
Най не болит.
– Я єй видів, я єй видів правим очком,
Як жала травичку
За поточком.
Жала, жала, жала, жала, зав’язала
Та й на миленького
Заволала:
– Милий, милий, милий, милий з тамтой страни,
Под же на мя двигай
Зайду трави!
Примітки:
Кожен рядок повторюється двічі.Джерела:
1. Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.2. Буд здрава, землице / Упорядник Софія Грица. – Київ: Музична Україна, 1991. – 176 с.
Рекламне оголошення