Першого вересня

ноти
ноти пісні "Першого вересня"
Першого вересня
Войну видавали,
Вшитких жовніроньків (2)
До войска забрали,
Та до войска забрали.

Як ти, мій миленький,
На войну поспішиш,
Кому ти мя, милий, (2)
На кого мя лишиш,
Та на кого мя лишиш?

Лишу я тя тому,
Што світит на небі,
А о рочок, о два (2)
Вернуся ку тебі,
Та вернуся ку тебі.

Юж на третій рочок,
Як ся война точит,
Як я виплакую (2)
Свої чорни очи,
Та свої чорни очи.

Вишла на подвір’я,
Ручки заламала,
Як на землю впала, (2)
Гірко заплакала,
Та гірко заплакала.

Идут з войни, идут,
Южек повертают,
А мого милого (2)
Лем коника ведут,
Та лем коника ведут.

Ведут його, ведут,
В жалобнім закритий,
А юж мій миленький (2)
На войні забитий,
Та на войні забитий.

Не плач, дівча, не плач,
Не жалуй ти його,
Иде нас ту тисяч, (2)
Вибер си єдного,
Та вибер си єдного.

Хоц би вас ту ишло,
Як піни на морі,
Не зийде мі з мисли (2)
Мій милий николи,
Та мій милий николи!

Примітки:
Третій рядок кожного куплету повторюється двічі.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення