Як я ишов през горечку,
Ищи не бив ден,
Спіткав я там шварне дівча,
Што пололо лен.

Сказав я ї – добре щастя,
Ти, што полеш лен!
Тилько мене моя мамця
Научила лем.

Воліла-с мя, моя мамцю,
До кляштору дац,
То би я ся научила
На органах грац.

Ой, а што ж то за органи
В новим кляшторе,
Сідит дівча за столичком
Засмученоє.

Сідит дівча за столичком,
Як ружовий квіт,
Заплакало чорни очи,
Змінився ї світ.

Чого плачеш, чом нарічеш,
Чого тобі жаль?
Того вінка зеленого,
Што-с мі вчера взяв.