Там на горі тернина

ноти
ноти пісні "Там на горі тернина"
Там на горі тернина, (2)
При тернині хатина, (2)

При хатині колода, (2)
Єст там вдова молода. (2)

Єст там вдова молода, (2)
Породила сини два. (2)

Як она їх зродила, (2)
В білий папір повила. (2)

В білий папір повила, (2)
До Дунаю шмарила. (2)

Ти, Дунаю, ти, вода, (2)
Чи виховаш сини два? (2)

Ой виховам, чом би ні, (2)
І на войну вишлю їх. (2)

Минув рочок – півтора, (2)
Вишла вдова по воду. (2)

Стала она воду брац, (2)
Стали пани випливац. (2)

Ой ти, вдова молода, (2)
Чи полюбиш пани два? (2)

Ой полюблю, чом би ні; (2)
За одного сама йду,
За другого дочку шлю.

Дочка в корчмі служила, (2)
Погар вина вточила, (2)

Погар вина вточила, (2)
І тяженько здихала. (2)

Ой донечко, донечко, (2)
Чом тяженько здихаєш? (2)

Як не маю здихати, (2)
За брата кажут іти. (2)

Тераз такий світ настав, (2)
Што брат сестру не познав. (2)

Тераз така новина, (2)
Иде мати за сина. (2)
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення