Ишли рибаре на риби [1]

текст
Ишли рибаре на риби
До той глубокой долини.

Нашли они там соколя,
Красьні повите пахоля.

А єден гварит: берме го!
А другий гварит: лишме го!

А третій на то нич не дбав,
Лем до рихтаря знати дав.

Зараз дзвонаре дзвонили,
Жеби ся дівки сходили.

А кажда пришла г’ віночку,
Лем рихтарьова в чепочку.

Ой Ганцьо, Ганцьо, Ганичко,
Де лес поділа пантличку?

Під поріг лем єй стоптала,
Бо-м єй нерада складала.

Ой взяли Ганцю за ручку,
Випровадили на лучку.

Ей, стинай, кате, кед маш стяц,
А най не плаче отец, мац.

Ей, отец, мати, сердечні,
А любий фраїр фалечні.

Примітки:
Кожен рядок повторюється двічі.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення