Миленька, миленька,
Выбю ти окенка,
А выбю ти обі,
А сам прийду к тобі.

Трепле ся мні очко,
За тобом, рыбочко,
Треплют ся мні обі,
Пойшли бы ку тобі.

Ой, мамичко, мамцьо,
Лем єдну мня мате,
Та сой подумайте,
За кого мня дате!

Не дате мня за двох,
А лем за єдного,
Ой, мамичко, мамусь,
Кобы за шумного.

Ой, мамичко, мамко,
Красне мено Янко,
Красне мено єго,
Дайте мня за него.

Здаме ми ся, здаме,
Обидвоє здаме,
Бо мы обидвоє,
Чорны очы маме.

На єдно ся здаме,
Чорны очы маме,
На друге ся здаме,
Жадно нич не маме.