Штыри волы в ярмі,
Моя мила, дай мні
Солодкой гамбусі, (2)
Не повіч мамусі.

Любте же ся, любте,
Лем ся не погубте,
Бо вы млады люде,
Та вам горе буде.

Як-єм ся сповідал,
Так мні ксьондз повідал,
"Як не маш дівчатка (2)
Жебы-с сой поглядал."

Дівчатко, дівчатко,
Повіч мні на разі,
Най мои коникы (2)
Не стоят на дразі.

Бо мои коникы,
Дуже мня коштуют,
Ани одной ночкы (2)
Дома не ночуют.

Высше села дражка,
Ниже села путь-путь,
Подже, мой миленкий,
Палюночкы куп-куп.

Купил мні миленкий
За гроша паленкы,
До рочка банувал,
Же дуже скельтувал.