На высокой горі
Квіток лелийовый,
Зорвий го, дівчыно, (2)
Дай го фраирови.

Хоц бы-м го зорвала,
Кому ж бы-м го дала,
Ищы-м того рочку
Фраира не мала.

Ой боюся, бою,
Аж ся з того трясу,
Же ся не оженю,
Бо коровы пасу.

Не бойся, сыночку,
Та й ани ся не тряс,
Бо я ся оженил,
Хоц-єм коров не пас.

Не выберай, Янчик,
У корчмі на танці,
Лем ты собі выбер
В роботі на сонці.

Бо в корчмі на танці
Кулява подскочыт,
В роботі на сонці
Лем ногы волочыт.

Шугаю, шугаю,
Выбер собі с краю,
Малюваны волы (2)
Не рады тягают.

Малюваны волкы,
Та лем до стодолкы,
Малюваны дівкы
Нич лем до постілкы.