За поляном чорна роля,
Я єй орал не буду,
Сяду собі на свого коника,
Та й на войну поіду.

Я на войну, з войны домов,
А ты ся не выдала,
Повіч же мні моя наймиленша,
На кого ты чекала?

Чекала я, мой миленький,
Чекала я на тебе,
Же як ты ся з воєнкы повернеш,
Та я пойду за тебе.

Тот перстеник, што-с мні дала,
Я го носив не буду,
Шмарю я го на быстру водичку,
Зас на войну поіду.

Ту хусточку, што-с мні дала,
Я єй за онучу мам,
Жебы-с собі, шельмо, не думала,
Што я тебе в сердци мам.