Под облачком явор посаженый,
Співат на нем пташок премиленый,
Слухай, мила, як тот пташок співат,
Же з любови нич добре не быват.

Серед села заквитнула грушка,
Ходит на ню рихтарьова Зуска,
Зуска, Зуска, пан бог тя покаре,
Жес зламала на грушці конары.

Выросла мні черешенка в лесе,
А кто-ж мні з ней черешен принесе,
Ой маю я милого под бочком,
Принесе мні черешен з торбочком.

Ой, паробци, што робте, та робте,
Лем вы дівкам за вольом не ходте,
Як будете за вольом ходити,
Та ся будут барже парадити.