Як я пасал коні-волы,
Попала мня дрімота,
Пошли мои коні-волы,
До заградкы, до жыта.

Вышол ку мні на загоны,
Той заграды господар,
Што ты робиш ты, гультаю,
Коні-волы в жыті маш?

Ани я не жаден гультай,
Ани жаден грубиян,
Кто бы мні то сміл повісти,
Зараз бы-м ся погнівал.

Я сой хлопец справедливый,
Никто на мня нич не знат,
Мам я таку фраиречку,
Што она мня не выдаст.

Кедбы она мня выдала,
Сама тому причына,
Бо сама мня закликала,
До причивка до сіна.

Не до сіна, не до сламы,
Лем до дробной отавы,
Будемеся любувати,
От осени до яри.

А я пойшол, бо я мышліл,
Же будеме шумні спац,
Она шельма затрачена,
Не хтіла мні спокой дац.

Закликала она мене,
До коморы до новой,
Наляла мні погар вина,
До рученькы до мойой.

А я хлопец справедливый,
Не хцу тото винко пиц,
Она шельма зо свойой матерю,
Хотіла мня счарувац.