Уж-єм поорал тото полечко раз,
Миленька вышла, істи вынесла
И счестя рекла перший раз.

Витай, миленька, витай, здравенька, раз,
Тяжко-м поорал, легче-м посіял,
Косити буде легче зас.

Уж-єм покосил и домов звозил раз,
Карта мі пришла, до войска-м пойшол,
Мила плакала за мном барз.

Не плач, миленька, не плач, серденько, раз,
Войско выслужу и домов верну,
Газдовав буду вера зас.

Я-м домов вернул, женит ся хочу раз,
Дівчата шварны страшно парадны,
Жадна мя не хце, вера зас.

Дівчатко шварне, не будь парадне раз,
Подай рученьку, побесідуйме
И добре буде дальше зас.