Несчастна любов

Залюбился войтов сын, сюрляйтум,
Отец не знал о ничом, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Хотіл он ся женити, сюрляйтум,
Пошол няня просити, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Позвольте вы, мой няню, сюрляйтум,
Взяти дівча за жену, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Чекай, сыну, повідат, сюрляйтум,
Дівка тебе не вартат, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Она бідна-ничгодна, сюрляйтум,
Зато тебе не годна, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Найд сой, сыну, богату, сюрляйтум,
Штобы мала дукаты, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

То нич, няню, нич зато, сюрляйтум,
Она добра-сирота, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Буде добри робила, сюрляйтум,
Буде мене любила, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Буде добра газдыня, сюрляйтум,
Лем оженте мене з ньом, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Дай сой спокой, ничгоде, сюрляйтум,
Бо нич з того не буде, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Волиш ся повісити, сюрляйтум,
Ниж ся з бідном женити, сюрляйтум;
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Не мог сын уж стерпіти, сюрляйтум,
Вірну любов забыти, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Найшол собі гыляку, сюрляйтум,
Повісился на кряку, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.

Повісился войтов сын, сюрляйтум,
Отец дал му такий плян, сюрляйтум,
Сюрляй, сюрляйтум, сюрляйтум,
Сюрляйтитум, сюрляйтитум, сюрляйтум.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення