Мам я красну заградечку и-ху-ха,
Мам я красну заградечку, парада-парада,
Што в ней росне фиялочка,
Цір-цір-цяра-да.

Фиялочка дробно сходит и т. п.
Моя мила ку мні ходит, и т. д.
Ходит, ходит до маштальни и т. п.
Меже штыри чорны коні и т. д.

Коні ся єй пострахали и т. п.
Мою милу подоптали и т. д.
Моя мила лежыт хвора и т. п.
Треба ити по доктора и т. д.

По доктора и по бабу и т. п.
Жебы дала даку раду и т. д.
Баба пришла раду дала и т. п.
Будеш мила колысала и т. д.

Идь мні, бабо, иди с очей и т. п.
Не спала я с милым в ночы и т. д.
Ани в ночы ани во дне и т. п.
Лем кусценька през полудне и т. д.