През зелене жытко, вода тече

През зелене жытко вода тече,
Штож мні моя мила,
Моя наймиленьша на то рече?

Хоцбы она рекла, не боюся,
Гусаре вербуют,
Хлопцы машеруют, звербуюся.

Ищы кошуленька не выпрана,
А уж моя мила,
Моя наймиленьша отобрана.

Хто си єй отобрал, най си єй мат,
Най сой єй предомном,
Най сой єй предомном не обнимат.

Най сой єй обнимат, але в ночы,
Жебы не виділи,
Жебы не виділи мои очы.

Бо як єй увидят мои очы,
Будут они плакац,
Я буду жалувац в день и вночы.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення