Никто мні не винен, сама я, сама я,
Што я полюбила гультая, гультая.

Гультай нич не робит, в корчмі пье,
А приде домов, мене бье, мене бье.

Але я на то нич не дбам, нич не дбам,
Бо я у сусіда, погулям, погулям.

Бо в мого сусіда гардый сын, гардый сын,
Сподабался мні, вражый сын, вражый сын.

Бо в него очка – як тернок, як тернок,
А бровы чорны – як шнурок, як шнурок.

У него личка – хоц малюй, хоц малюй,
А єго гамбуся – лем цілуй, лем цілуй.