Полетіли біли гуси, на ставъ жирувати,
Гей, гей, на ставъ жирувати.

Поіздила компанія, въ місто ночовати,
Гей, гей, въ місто ночовати.

Вернулися біли гуси, зъ ставу, не жировали,
Гей, гей, зъ ставу не жирували.

Вернулася компанія, зъ міста не ночовала,
Гей, гей, зъ міста не ночовала.

Чомусь мене, моя мамко, рано не збудила,
Гей, гей, рано не збудила.

Та якъ тота компанія, зъ міста отходила,
Гей, гей, зъ міста отходила.

Тому я тебе, моя доню, рано не збудила,
Гей, гей, рано не збудила.

Полюбилась компанчика, шобысь не тужила,
Гей, гей, шобысь не тужила.

Подивися, моя доню, въ горішну кватыру,
Гей, гей, въ горішну кватыру.

Машеруютъ жовнярики, зъ горы на долину,
Гей, гей, зъ горы на долину.

Гей у Львовъ на ратуши, на высокомъ замку,
Гей, гей, на высокомъ замку.

Сидитъ жовніръ закованый, за дівча коханку,
Гей, гей, за дівча коханку.

Сидитъ же онъ закованый, ланцухами за руки,
Гей, гей, ланцухами за руки.

Таки тебе, любко, любю, нехай прійму муки,
Гей, гей, нехай прійму муки.

Сидитъ же онъ закованый, ланцухами за ноги,
Гей, гей, ланцухами за ноги.

Таки тебе, любко, любю, нехай сиджу въ неволи,
Гей, гей, нехай сиджу въ неволи.

Сидитъ же онъ закованый, ланцухами за шію,
Гей, гей, ланцухами за шію.

Таки тебе, любко, любю, нехай марне згину,
Гей, гей, нехай марне згину.