Ой не буду все лем банувати

Ой не буду все лем банувати,
Дам я собі гудакам заграти.
Грайте же мі з вечора до рана,
Бо я собі дівка мальована.

Звідалися, што мі то, што мі то,
Мам я личко побито, побито.
Побила го моя люба мамка,
Же м любила чорнявого Янка.

А ворота цьвяками забила,
Жеби до нас хлопці не ходили,
А я взяла цьвяки одорвала:
"Ходьте, хлопці", мамка юж казала.


Рекламне оголошення