У тій Америці

текст
У тій Америці сипана дражочка,
Ходить по ній, ходить моя фраїрочка.
Ходить, ходить, ручки заламує,
Же єй милий до краю рукує. (2)

– Не плач, мила, не плач, тать то вшистко дармо,
Бо я вже рукую скоро ютро рано.
Прийшов я там до Нев-Йорку вночі,
Заплакали мої сиві очі. (2)

Ой Боже ж, мій Боже, як си тяжко старам,
Як на тоту шифу сідати на ню мам?
Бо на шифі попи не ховають,
Лем матроси до моря руцають. (2)

У тій Америці сипана дражочка,
Ходить по ній, ходить моя фраїрочка.
Ходить, ходить, ручки заламує,
Же єй милий до краю рукує. (2)

Примітки:
1. Лемківська народна пісня.
2. Останні два рядки кожного куплету повторюються двічі.
Джерело:
Буд здрава, землице / Упорядник Софія Грица. – Київ: Музична Україна, 1991. – 176 с.

Рекламне оголошення