На зеленій убочі

На зеленій убочі
Дівча леник мочить.
Шугай ся му припатряв,
Ци ма чорні очі.

Жеби такі очата
В крамі продавали,
То би собі дівчата
Хлопцям купували.

І я би ся купила
Свому фраїрові,
Жеби ся му чорніли,
Яко гавранові.

Іще би-м му купила
Хусточку єдвабну,
Жеби собі припомнув,
Же ма милу ладну.

Іще би-м му купила
Перстеник на палець,
Жеби ся мі миготав,
Як піде на танець.

Іще би-м му купила
Скірні з острошками,
Жеби собі забренькав
Меджи паробками.

Іще би-м му купила
Перко за шапочку,
Жеби собі пам’ятав,
Же ма фраїрочку.

Примітки:
Кожен рядок повторюється двічі.
Джерело:
Жартівливі пісні. Родинно-побутові / Упорядники О.І. Дей, М.Г. Марченко, А.І. Гуменюк. – Київ: Наукова думка, 1967. – 800 с.

Рекламне оголошення