Іванку, Іванку [3]

текст
Іванку, Іванку,
З того боку ярку,
З того боку ярку,
Пішла би-м до тебе,
Пішла би-м до тебе,
Взяла вода лавку.

Лавочка тоненька,
Вода студененька,
А я молоденька.
Могла б ся зломити,
Могла б ся зломити,
Жаль мі ся втопити.

Іванку, вечерком
Прийди до ня тайком,
Прийди до ня тайком.
Дам я тобі знати,
Коли вийдут з хати
І нянько, і мати.

На плоті солома,
Не йди – старі дома,
Не йди – старі дома,
А як буде сіно,
А як буде сіно,
Можеш зайти сміло.

Приходи тихенько,
Як стане темненько,
Як стане темненько,
Ворота скрипливі,
Сусіди брехливі,
Варуйся, серденько.

Коханя, коханя,
Дівоче стражданя,
Дівоче стражданя,
Лем раз любованя,
Лем раз любованя,
А сто раз чеканя.

На ярку, на ярку,
Взяла вода лавку,
Взяла вода лавку.
На крилах коханя,
На крилах коханя,
Прилети, Іванку.
Джерело:
Piosenki Lemkowskie I Ukrainskie. Akademicki Klub Turystyczny "Maluch", 2001. – 137 с.

Рекламне оголошення