Зродилися теркы

текст
Зродилися теркы за горами,
Підеме мы на ни з кошиками,
Будеме торгати, будеме ламати
З конарами, з конарами.

Пришов бы-м я до вас, жебы-м я сьмів,
Жебы-сте мі дали, што бы-м я хтів:
Тото дівча шварне, што ма очка чарне,
То бы-м я хтів, то бы-м я хтів.

Пришов бы-м я до вас, жебы-м я сьмів,
Жебы-сте мі дали, што бы-м я хтів:
На мисочку лену і вашу Олену,
То бы-м я хтів, то бы-м я хтів.

Пришов бы-м я до вас каждий вечер,
Пред вашима двермі велька мочар,
Прелож, мила, дручкы, прейду помалючкы,
Каждий вечер, каждий вечер.

Пришла бы-м я до вас, кед бы-м сьміла,
Жебы-сте мі дали, што бы-м хтіла:
Того шугаїчка, што ма білы личка,
То бы-м хтіла, то бы-м хтіла.

Примітки:
Останні два рядки кожного куплету повторюються двічі.
Джерело:
Piosenki Lemkowskie I Ukrainskie. Akademicki Klub Turystyczny "Maluch", 2001. – 137 с.

Рекламне оголошення