Ой в зеленім садочку

текст
Ой в зеленім садочку зозуленька кукат,
А парадний паробок за маєтком шукат,
Гей, гей, гей, гей, за маєтком шукат.

Ой а шукат він го шукат, а сам го не має,
А як иде до дівчини, споден пожичає,
Гей, гей, гей, гей, споден пожичає.

А споден він пожичає та і камізельки,
А як приде до дівчини, удає – пан велький,
Гей, гей, гей, гей, удає – пан велький.

А хусточку ма в кишени, три рочки не прана,
Але і тота не його, лем єст пожичана,
Гей, гей, гей, гей, лем єст пожичана.

А краватку ма під шийом, злотом шпильком спята,
А на ногах лякери, виходит з них п’ята,
Гей, гей, гей, гей, виходит з них п’ята.

А зигарок ма на руці з карпеля зроблений,
Але і тот не є його, лем ест украдений,
Гей, гей, гей, гей, лем єст украдений.

Спитаєтся го дівчина: котра там година?
Перепрашам я дівчину – урвана спружина,
Гей, гей, гей, гей,– урвана спружина.

Ой а што ж то за зигарок, што він єст попсутий,
Продай, пане, свій зигарок, а куп собі бути!
Гей, гей, гей, гей, а куп собі бути!
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення