Добрі в Гамериці, як иде робота

текст
Добрі в Гамериці, як иде робота,
Красьні ся прибере, як приде субота.

Красьні ся прибере, красьні ся умиє,
Бо він ся не старат, же му в поли гниє.

Же му в поли гниє, вода му забере,
Бо йому привезут до гавзу фармере.

До гавзу привезут, плацу не питают,
Аж на п’ятнастого, як пейду достают.

Юж на п’ятий рочок, як я в Гамериці,
Так тяжко працюю в тій новій фабриці.

– Жено моя люба, жено моя добра,
Як ти там газдуєш з тими дітми дома?

– Газдую, газдую, юж ліпше не можу,
Тебе з Гамерики дочкацся не можу.

– Дочкашся ти, дочкаш, моя жено, дочкаш,
Як я приду домів, личко мі побоськаш.

Личко мі побоськаш, праву ручку подаш,
Будеш ся мя питац: "Дуже пінязий маш?"

– Не мам я пінязий, бо я лем слугував,
А што я заслужив, і тото-м прогуляв.
Джерела:
1. Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.
2. Буд здрава, землице / Упорядник Софія Грица. – Київ: Музична Україна, 1991. – 176 с.

Рекламне оголошення