На онгарскій, на офі

текст
На онгарскій, на офі
Біла ружа проквитат,
Там онгарска тая касарнечка
Білом шатом накрита.

Бивают в ній панове
Войскови офіцире.
Єдна мати свого сина мала
І того ї забрали.

Як они го забрали,
Дали йому коничка,
Кілько разів він на нього сідат,
Заболит го главичка.

Главичка го заболит,
Шабелька му задзвонит,
Ани єдно з той мойой родини
Не приде мі на погріб.

Ани отец, ани мац,
Ани сестра, ани брат,
Ани моя, моя наймиленьша
Не приде ся пожегнац.

Не придеся пожегнац,
Ани мені ручку дац,
Ани моя, моя наймиленьша
Не приде мі ручку дац.

Примітки:
Останні два рядки кожного куплету повторюються двічі.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення