Гори мої

текст
Гори мої, гори зелени,
В прекраснім віночку сплетени,
Шовковом травичком накрити,
Роками-віками забити.

Гори мої, гори прекрасни,
Як на небі зіроньки ясни,
Як в гаю ружи червоненьки,
Таки мому серцю миленьки.

Гори мої, гори Карпати,
Дорогши, як злоти дукати,
Дорогши од вшитких гор світа,
Цне ся мі за вами од літа.

Гори мої, гори скалисти,
Аж попід небеса фалисти,
Своїми білими верхами
Помішани часто з хмарами.

Чучарик з Чучаром в дубочку,
Гомоля з Кичером при бочку,
Лемко став та й думку думає,
Жаліє же долі не має.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення