Повідала мила моя

текст
Повідала мила моя, же я п’ю,
Барже буде банувати, як умру,
Шальвія, лелія, дробна розмария,
Як умру.

Як я буду на лавичці лежати,
Ти мя будеш правом ручком двигати,
Шальвія, лелія, дробна розмария,
Двигати.

Стан, Яничку, стан мій драгий, стан горе,
Бо юж твоя палюнечка на столє,
Шальвія, лелія, дробна розмария,
На столє.

Ой не встану, моя мила, не встану,
Хоц би била зо самого шафрану,
Шальвія, лелія, дробна розмария,
З шафрану.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення