Ой Ганичко, шварне дівча

текст
Ой Ганичко, шварне дівча,
Повідж правду, што же ти,
Же ти силза за силзечком
По личеньку так летит?

Била мене, била мене,
Била мене мамичка,
Же я люблю, же я люблю,
Же я люблю Яничка.

Ой розказуй же мі, мамо,
Што лем схочеш, робити,
Ой лем ти мі не розказуй,
Кого маю любити.

Дармо на нас, моя мамо,
Закладаш ти ой ярмо,
Бо ми ярмо поламлеме,
Любитися будеме!

Примітки:
Останні два рядки кожного куплету повторюються двічі.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення