Гором воли, гором

текст
Гором воли, гором,
А я піду долом,
Вийд до мя, дівчатко, (2)
Бо гину за тобом.

Світив би місячок,
Хмари му не дают.
Взяв би шугай дівча, (2)
Люде огваряют.

Прид ко мі, милий, прид,
Або ся мі присни,
Водне ани вночи (2)
Не зийдеш мі з мисли.

Водне-с мі на мисли,
А ніч без сну мине,
Добрі моє серце (2)
За твоїм не згине.

А, серденько моє,
Чом мя поболюєш,
Чом ти мі не повіш, (2)
За ким так бануєш?

Баную, баную,
Жаль мі не поможе,
Кого я любила, (2)
Наврац мі го, боже!

Чиє то дівчатко
Вчера воду брало?
Я на не запискав, (2)
Оно заплакало.

Я на не запискав
На ценкім листочку,
Оно заплакало: (2)
Врац ся шугаїчку!

А, боже мій, боже,
Хто ж мене споможе,
Милий бог високо, (2)
Родина далеко.

Примітки:
Останні два рядки кожного куплету повторюються двічі.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення