Ой про мою фраїречку

текст
Ой про мою фраїречку,
Ей, зламали мі праву ручку,
Ей, права ручка ся мі зросла,
Ей, фраїречка замуж пошла.

Мадяр, мадяр, тримай добре,
Ей, аж ся на ти чуга подре,
Ей, єдна подре, друга буде,
Ой, мадяр, мадяр, тримай добре!

Боже, боже, боже любий,
Ей, не взяв мя тот, што мя любив,
Ой, а мя взяла ледачина,
Ей, што мі світа скоротила.

Боже, боже, што мам робиц,
Ей, ци ся жениц, чи так ходиц,
Ей, оженюся – біда моя,
Ей, вандруючи, ніжки болят.

Боже, боже, який то жаль,
Ей, як попатрю де я лежав,
Ей, як попатрю на ту лавку,
Ой, де я лежав на заглавку.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення