Ти мя, Ганцьо, рада маш

текст
Ти мя, Ганцьо, рада маш, рада маш,
Попродай ти, што там маш,
Попродай коні, волки,
Вибав мене од воєнки.

А боже мій, боже мій, боже мій,
Чия же я, хто же мій?
А неє ту такого,
Жєби бив мій, а я його.

Наша млода розкошна, розкошна,
Де нам така виросла?
Ей, г’ вітцівскім садочку,
Ищи в тихім холодочку.

Як я млоду чепила, чепила,
Кура з поду злетіла,
А як я єй лапала,
Курочка ножку зламала.

Як ми млоду чепили, чепили,
Кури з поду злетіли,
А за ними курята,
Поламали си крилята.

Дав ся нам бог діждати, діждати,
Дав ся нам бог діждати
Дітину виховати,
Весілячко ї справляти.

Примітки:
Останні два рядки кожного куплету повторюються двічі.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення