Ей, ци то я, мамичко

текст
Ей, ци то я, мамичко, не ваша дітина,
Ей, же сте мі наклали до перини сіна?

Ей, до перини сіна, до лади каміня,
Ей, мамцьо моя, мамцьо, не ваша-м дітина?

Ей, кед я ся од свой мами одберала,
Ей, пред нашими дверми стала, заплакала.

Ей, оставайте здрави, мамини порожки,
Ей, што по вас ходили мої біли ножки.

Ей, оставайте здрави, мої сусідове,
Ей, не зобудят юж вас мої фраїрове.

Ей, оставайте здрави, мої товаришки,
Ей, юж з вами не піду веце на орішки.
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення