На пецу молотив

текст
На пецу молотив, за пецом віяв,
Жена го лаяла, а він ся сміяв.
Тепер лем ся розскакала, тепер же мі грайте,
Чорни-м бути попраскала, червени мі дайте!
Чорни бути до роботи, червени до танцю,
Мам я пальці дрітуванці, то їх не потрачу.

Шила сом чепчики, вишивала сом
Зеленим, червеним, білим гарасом.
Тепер лем ся розскакала, тепер же мі грайте,
Чорни-м бути попраскала, червени мі дайте!
Чорни бути до роботи, червени до танцю,
Чом же зо мном не танцюєш, фалечний Іванцю?

Трубаче трубіли, музика грала,
Мій милий танцював, а я плакала.
Тепер лем ся розскакала, тепер же мі грайте,
Чорни-м бути попраскала, червени мі дайте!
Чорни бути до роботи, червени до танцю,
Под же зо мном танцювати, шалений Іванцю!
Джерело:
Українські народні пісні з Лемківщини / Упорядник Орест Гижа. – Київ: Музична Україна, 1972. – 404 с.

Рекламне оголошення