Іду горі селом

Іду горі селом, почав я плакати,
Боже мій любенький, як тут привикати?
Та плакав не буду, а співати буду
Я є вояк вислужений, женитися буду.

Отвор мила, отвор, середній облачок
Іде вислужений трирічний воячок.
Правду ти мі, правду мі писава,
Же ти ся не видаш, будеш м’я чекава.

Та ж я тобі милий все обіцювава,
Же я ся не оддам, а буду чекава.
Та й ти милий прийшов, весілля справимо,
Цигани заграют, ми заспіваємо і потанцюємо.
Джерело:
Ukrainian Lemko and Other Folksongs / Упорядник Йосафат Дзьобко. – Вінніпег: Ukrainian Canadian Pioneer's Library, 1956. – 128 с.

Рекламне оголошення