Бодай тебе

Бодай тебе, бодай, чужа дівусь, бодай.
Я на тебе кричав, под мі ручку подай. (2)
Я на тебе кричав з далекого поля,
Дівчинонько чужа, коли будеш моя? (2)
Дівча послухаво, ручку мі подаво,
А я помаленьку притяг до серденька. (2)
Любуй ти м’я любуй, тілько не видавай.
Прийдеш на музику, блиско м’я не ставай.
Горілки не давай, пити єй не буду,
На танец мня не б’єр, бо с тобом не піду. (2)

Співаночки мої, де я вас подію?
Піду до лісика, там я вас посію. (2)
Будут там дівчата по гриби ходити,
Співаночки мої будут находити. (2)
Джерело:
Ukrainian Lemko and Other Folksongs / Упорядник Йосафат Дзьобко. – Вінніпег: Ukrainian Canadian Pioneer's Library, 1956. – 128 с.

Рекламне оголошення