Ой дівча, дівча, с дробного роду

Ой дівча, дівча,
С дробного роду,
Выйд-же ты ку мні
На загороду.

Дам я ти яблок,
Дам я ти грушок,
Будеш ты мати
Полный фартушок.

Будеш ты мати,
Хлопцям давати,
Будут тя хлопці
Радо кохати.

Залицяв-єм ся
Под Горлицями,
Бо там мні дівчатко
Приобіцяли.

С панского роду,
Дробного ходу,
Не знала робити
Вмерла з голоду.

Примітки:
Третій рядок кожного куплету повторюється двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення