Свитай, Боже, свитай

Свитай, Боже, свитай,
Жебы скоро день был,
Жебы я увиділ,
В котром домі я был.

Ци в том деревяном,
Ци в том муруваном,
Ци в том на бережку,
Где мам фраеречку.

Дівчатко лелия,
Легай там где и я,
Легай на лавочку,
По при моим бочку.

Як бы-м я легала
По при твоим бочку,
Не ходила бы-м я
В зеленом віночку.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення