Шкода, милый, шкода

Шкода, милый, шкода,
Ліса зеленого,
Же в нем не чувати
Пташка веселого.

Пташка веселого,
Ани ниякого,
Шкода мила, шкода
Ліса зеленого.

Шуміла ліщына,
Шуміл зеленый гай,
Заплакало дівча,
Заплакал и шугай.

Дівча заплакало,
Же ся не выдало,
А шугай заплакал,
Же дівчатко не взял.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення