Кєд собі заспівам

Кєд собі заспівам,
Трома голосами,
Єден пойде верхом,
А два долинами.

Кєд собі заспівам,
Далеко мня чути,
Под же, мой миленкий,
Волы навернути.

Волы навернула,
Сама собі сіла,
Под же, мой миленкий,
Што-с бы-м ти повіла.

Я бы-м ти повіла,
Таку новиноньку,
Жебы-с сой поглядал
Другу дівчыноньку.

Жебы-с сой поглядал,
Бо я уж сой нашла,
Уж я тя не буду
Своим оком пасла.

Примітки:
Третій рядок кожного куплету повторюється двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення