В горах Карпатах

Горы нашы милы,
Горы нашы славны,
Где вы ся поділи,
Мои часы давны?

Як воды до моря
С нашых гор поплыли,
Так ся мои часы
Скоренько минули.

Горы положисты,
Поляны зелены,
Выглядате, як бы
Плюшом выстелены.

Добре ся на горах
Поляночкы косят,
Кед ладны дівчатка
Добре істи носят.

Заросли мі травом
Уж давны стежечкы,
Кади я преганял
С мом милом увечкы.

Тепер уж не зайду
Ку тому бучкови,
Где-єм косу клепал
Свому сыночкови.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення