Бо перше мні было

Бо перше мні было,
Перешлой осени,
Носил мні миленький, (2)
Оришкы в кишени.

Оришкы в кишенях,
Яблочка червены,
Все мні так повідал, (2)
Же ся буде женил.

А тепер мні планно,
Превелика біда,
Бо уж мня выдали, (2)
За старого діда.

Не годен робити,
Не може любити,
А на ноч му треба, (2)
Перину загріти.

Такого сивака –
Шмарити до смітя,
Добрый до лежаня –
Добрый до дриманя,
Але не до жытя.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення