Кед мні пришла карта наруковац

Кед мні пришла карта наруковац,
Хтіл я свого няня дошиковац,
Встань ты, няню, з гробу, зроб мні тоту волю,
Иди за мня служыц, на ту войну.

Кед мні пришла карта наруковац,
Стал я музыкантов дошиковац,
Гей вы, музыканты, заграйте мні чардаш,
Най сой витанцую свой младый час.

Стали музыканты чардаш грати,
Стали ся мні з очей слезы ляти,
Не заплаче за мном ни отец, ни мати,
Лем за мном заплачут три дівчата.

Єдна буде плакац, бом ей любил,
Друга буде плакац, бом ей мал взяц,
А третя заплаче, бо она и мусит,
Бо она от мене перстень носит.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення