Чыє-ж то полечко

Чыє-ж то полечко не оране,
Ой мого милого понехане.

Оране, оране але мало,
Бо ся мні колечко поламало.

Колечко зламало, ручка впала,
Чого-ж ты дівчыно так зовяла.

Бо мні ся чорны очы сподабали,
Румяны дволичка – чорны очка.

Ты моя миленька не фрасуйся,
Як верну з воєнкы, оженюся.

Ишол я з воєнкы коло воды,
Там моя миленька мыла ногы.

Ты моя миленька, где-с ходила,
Же-с собі ножечкы забрудила.

Ходила-м смотрити, ци не идеш,
Любил ты мня любил, уж не будеш.

Примітки:
Перший рядок кожного куплету повторюється двічі.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення