Мала я фраира

Мала я фраира коминяря,
Пошол ся купати до Дуная,
Не знал он плавати, мусіл ся заляти,
Уж го немам.

Мала я фраира годинаря
Што робил годины про цесаря,
Цесар войну выдал, фраира мні забрал,
Уж го немам.

Мала я фраира ковалика,
Што робил подковы для коника,
Як зачал ковати, а коник копати,
Уж го немам.

Мала я фраира и Яничка,
Та ходил он спати до сусічка,
Мышы ся дознали, фраира мні зіли,
Уж не мам нич.

Мала я фраира фуяроша,
Што робил фуяркы до Вароша,
На фуярі дуду, дуду-ду-ду-ду-ду.
Малам я фраиров, уж не буду.
Джерело:
Лемковскы народны співанкы. – Клівленд: Типографія Лемко-Союза, 1935. – 64 с.

Рекламне оголошення